''丞鏗''的契爺契媽
巳我的性格緊係講d開心嘢先啦......
等我簡單而隆重特別介紹一吓
並非客觀的介紹，而卻偏向我「主觀」的印象。跟我密切地聯繫著的人，閉上眼就立刻聯想到的倆個大人物兼老死啦......
第一個緊係要特別介紹而大胆具體描寫出場的大人物；緊係成中熱話傳說中至索至靚女；但實際上係人都話佢係車見車載人見人愛的''亞寶''
我真係要講聲十萬個唔該晒......千千萬萬聲多謝!!!因為亞寶不眠不休''度身訂造''幫我個仔''丞鏗''整個Blog真係契媽唔而做。無論大事小事乜嘢事都好，次次都搞到我好鬼死感動好鬼死warm。哈...哈...哈再講大家以為我係到賣緊廣告tim。
講到賣廣告我諗人人都睇過呢個廣告''時代變啦...洗衫要用洗衣液''。
趕住要同大家介紹出場這一位人兄，將原先呢個廣告改良咗：有一句絕頂好笑的口頭禪就係''時代變啦...洗面要用精液''。係超蒲界裹面當中人人都知到佢有一個必殺忌動作，就係人未到酒先到；聽到都殺晒問你怕未。佢仲有句格言就係:''見你飲得開心佢就買酒買得放心。哈...哈...哈...連我呢個酒鬼聽到都忌佢幾分，每當飲到醉醉吓....飲到叭晒街咁滯佢永遠就係我隔離話；夠未呀??飲多枝先啦!!!同佢講夠啦....唔好買啦....佢實話得啦得啦!!!二話不說佢又放多枝威士忌係枱面。
佢份人就係咁架啦...
講咗咁耐都未話比大家知道，我另外一個好朋友係我心目中佢永遠係豪個豪油，威個威士忌係我個仔Odin的契爺''老占''。有人話酒逢知己千杯笑，得一知己死而無憾；我真係好好彩何況我有生之年仲遇到兩個。
每當我百感交集的時候，這一對鬼馬雙星都在我身邊支持我。他們一定會不染其煩聽我數苦幫我解決問題，有什麼特法事件出現永遠第一個跳出來替我分擔。
這份感覺令到我好渦心，我一定會好好珍惜這份友情。下次卡拉OK一定要唱隻無言感激比你倆個聽。
