...... 妳點生我出來?

Mummy話我知分娩的時候係用無痛分娩和真空吸盤的方式喎...

因為Mummy話我聽我係佢個肚裏面，好百厭唔乖仔喎...

媽咪痛了最少39小時以上，我先肯出世來到這個世界。

媽咪話佢在17號凌晨時段媽咪巳經開始肚實實和肚痛，

全晚轉來轉去沒有睡覺，因為佢話條腰和個肚好痛喎!

17 號早上大約7點幾媽咪開始見紅，

Daddy就叫Mummy你快d入院啦...

媽咪好快就答Daddy未生得，

你返工先啦......生得話你聽啦...

如事者我係媽咪個肚裏面等出世，我仲聽到爸爸把聲話仲係屋企呀?

仲未生得咩? 快d入醫院先啦?

每相隔一陣就打電話回來問:老婆妳巳經痛了好耐啦?

......快d入院啦!

媽媽就話哦......食飽午飯先啦!

慢慢都未遲BB仲未穿水，媽咪知道我未係時候出世；

所以佢緊係唔想咁早入醫院住啦...

大家都知道佢幾怕悶先得架...

媽媽在等待我出世的時候，我係媽咪個肚裏面又聽到婆婆把聲係道笑緊媽咪...

妳唔係想痛到生得仔先入院呀?

媽咪就話都未穿水，剛剛開始陣痛一陣未咁快生得。

洗多次白白食飽晚飯先啦...

如事者大家都等了很久，大約過了15小時之後媽咪就同婆婆講...

好痛好辛苦呀...個肚好痛好實呀... 話自己痛到瞓唔到覺...

跟住仲聽到媽媽講仲未生得不如食完宵夜，

洗多一次白白等爸爸放工返來先入院啦...

跟住我聽到婆婆好惡鬧媽咪，仲掛住食宵夜快d換衫去醫院生仔啦...

食...食...食生仔都掛住食嘢?

食完早餐就話食下午飯、到食完下午飯就話要食晚飯、

到食完晚飯而家仲話要食宵夜tim...真係比我媽咪激死... ...

我話個秘密比你地聽吖...

原來媽咪未有我之前佢好fit 架...佢條腰平均得24-25吋。

體重大約100-102磅咋... 哈哈!你地估吓有咗我之後重咗幾多呀??

 話你地知啦??係43磅即是145磅...

條腰粗了19吋即是43吋半... ...

因為媽咪講我知話如果唔食飽我個肚，佢就會好想暈好想嘔...

食飽飽就無事沒有這種感覺喎?? 都唔知係唔係呀?

可能Mummy自己想食Mum Mum就真。

哎吔!我聽到Daddy把聲啦......爸爸放工返到屋企啦!

老婆仲要去冲凉呀? 好快D換衫去醫院啦...

媽媽就話我想食完宵夜先入院呀!

Daddy和婆婆就好鬼惡死咁話，食你個頭呀!再唔換衫我就食咗妳呀...

媽咪只好換衫去醫院，媽咪去到醫院看一看手錶；而家係17 號晚上11點正。

媽咪只好帶著疲倦而痛楚的身軀，肚餓而興奮的心情。

其待着迎接我這一個小生命的來臨。

我話比你哋吖...爸爸係醫院走了之後...

媽咪換好醫院衫和驗查好，第一件事就係立即同姑娘姐姐講好肚餓喎!

姑娘姐姐就說太太巳經派了宵夜啦!

吓......冇宵夜食點算呢?

媽媽立即就說要落樓下便利店買三文治醫肚呀...

媽咪真係吖個肚咁痛就唔好立亂四圍走啦...

媽咪正一係為食貓貓豬...

''Odin''仔這個英文名......媽咪話原來內裏有個含意喎??

媽咪佢仲話比我聽呀......係發生在Daddy同媽咪之間的一個小秘密。

所以我英文名叫做''Odin''喎...

佢仲話唔講得比我知tim...

如果講了出來就唔可以叫做秘密喎...

媽咪淨係話比我聽''Odin''這個名來自(北歐神話) 歐丁神...

比喻:(司藝術、文化、戰爭、死者等之神)

真係比媽咪激死啦....     

講D唔講D不如唔好講啦...

媽咪...媽咪點解我中文名叫做''吳丞鏗''呀?

媽咪仲話比我知道我個中文名，係我出世之後揾算命師傅改名喎...

係Daddy精心挑選揀出來所以我叫做''吳丞鏗''

媽咪仲同我講我叫做''丞鏗''都有涵義??

涵義著: 丞宰之才、名聲鏗鏘

Mummy和Daddy仲話比我知道，我第一次滿月剪頭毛的時候；

佢地倆個將我D頭毛整咗一對胎毛筆呀...

哦...完來媽咪和Daddy用我的頭毛整了一對文武筆，

文武筆上面仲刻字如下: 丞宰大才興邦國，鏗鏘名聲耀門庭

除了筆聯外還刻上我的名字和出生日期

吓...乜嘢叫做文武筆呀?? 媽咪...

媽咪就話:''丞鏗''天下之大，文字之多，贊美人類最威的一句就係:文武全材。

直接一些:即文也行，武也行，學文好! 身體健康!

仲話相傳文武筆為唐朝帝皇賞賜給有前途的人，

有孝義的人，有傑出表現的人。

''Daddy '' ''Mummy'' 我唔係好明白呀...... 點解要整對胎毛筆比我呀......

媽咪就話我知道，胎毛在母體內十二週時開始生長。

由Mummy和我的血液供養而生。

一條條胎毛是父母與孩子血脉相連的印記。

是我從母體內自然帶出之胎毛；係第一次剪下頭毛的時候製作而成。

所以叫做胎毛筆，是紀念媽咪Daddy和我血脉相連的親情珍品。可供永世保存。

聽媽媽講相傳古代是帝皇將相的專利品。

但現今社會轉變成為贈送給自己子女的血脉親情的紀念品。

媽咪仲話比我知道胎毛筆的涵義: